Ginpanindugan sang depensa ni Vice President Sara Duterte nga wala sang may nakit-an nga transaksyon sa mga dokumento nga ginsumiter sang Bank of the Philippine Islands ukon BPI nga may pirma mismo sang bise presidente.
Ini ang ginhatagan pagtamod ni defense counsel Michael Poa sa katapusan sang iya cross-examination kay BPI witness nga si Marwin Galvez sa ika-35 nga adlaw sang impeachment trial.
Sa pagpangusisa kay Poa, ginpakita sini ang pila ka mga financial documents gikan sa nasambit nga bangko, lakip na ang mga records may kaangtanan sa joint account nanday Vice President Sara Duterte kag anay President Rodrigo Duterte.
Base sa mga dokumento nga ginpresentar sang depensa, ginpahayag ni Poa nga wala sa amo nga mga transaksyon ang may pirma ni Bise Presidente Duterte.
Apang ang pagkawala sang pirma ni Vice President Duterte sa mga dokumento nga ginpresentar sa cross-examination ang wala automatic nga nagakahulugan nga wala na sang iban pa nga paagi sa pag-awtorisar ukon pag-access sa account.
