Ginpanindugan sang pila ka mga grupo sang kabataan nga dapat madayon ang Barangay kag Sangguniang Kabataan Elections ukon BSKE 2026.
Sa interview sang Bombo Radyo kay LA Tolentino, Lead Convenor sang YES TO BSKE 2026 Campaign, iya ginpahayag nga nag-file sila sang petition sa Supreme Court agud kuwestyunon ang postponement sang BSKE kag hingyuon nga mapadayon ang eleksyon sa 2026.
Suno kay Tolentino, kabahin ang ila grupo sa mga youth leaders nga nag-file sang ikaduha nga petition batok sa Republic Act 12326, nga ginpirmahan ni President Ferdinand Marcos Jr. sang September 24, 2026 kag nagtakda sang sunod nga BSKE sa ikaduha nga Lunes sang Nobyembre 2028.
Ginpahayag man sang mga petitioners nga ang liwat-liwat nga pagbag-o sang election schedule kag termino sang mga barangay kag SK officials dapat ma-examine sang Supreme Court, ilabi na sa epekto sini sa katungdanan sang mga botante nga makapili sang ila mga lider.
Sa subong, wala pa sang final ruling ang Supreme Court angut sa constitutionality sang RA 12326.
