Nagluntad ang sunog sa isa ka computer shop sa Fuentes Drive, Brgy. XI, Roxas City nga gilayon ginresponderan sang Bureau of Fire Protection.
Sa interview sang Bombo Radyo kay Fred Tomogda Jr., isa ka security personnel sa lugar kung sa diin nagluntad ang sunog, iya ginpahayag nga samtang siya nagabantay sa lugar, hinali nalang nga gintawag siya sang isa ka secretarya halin sa pihak nga building kag ginpahibalo nga nagaaso ang aircon.
Suno kay Tomogda, gilayon niya nga ginlantaw kung diin nagahalin ang aso kag sang nagsaka ini sa second floor, nakita niya nga nagalatay na ang kalayo sa isa ka electrical wire.
Ginkadtuan niya dayon ang ginhalinan sang kalayo kag nagkuha sang fire extinguisher agud mapalong ini samtang ginahulat ang pag-abot sang mga bombero.
Sa subong, padayon pa ang imbestigasyon angut sa insidente.
