Nagtay-og ang magnitude 6.4 nga linog sa baybayon sang Balut Island Sarangani, Davao Occidental, sang Huwebes, Oktubre 8, 2026.
Suno sa data, may kadalumon nga 10 kilometers ang linog, nabatyagan ang pagtay-og sa pila ka bahin sang Sarangani, South Cotabato, Sultan Kudrat, Davao del Sur, Davao Occidental, Cotabato, Davao City, kag Bukidnon.
Ang pinakamataas nga narekord nga instrumental intensity amo ang Intensity IV sa Alabel kag Malapatan (Sarangani); T’Boli kag Lake Sebu (South Cotabato); Siyudad sang General Santos; kag Palimbang (Sultan Kudarat).
Samtang, narekord naman ang Intensity III sa pila ka mga lugar sa Cotabato, Davao del Sur, Davao Occidental, Sarangani, South Cotabato, kag Sultan Kudarat, samtang mas manubo naman ang lebel sang pagtay-og sa iban nga malapit nga lugar.
Ang nasambit nga linog ang aftershock sang magnitude 7.8 offshore earthquake nga nag-igo sa Sarangani kag Davao Occidental area sang Hunyo 2026.
