Ginpasundayag sang pamabato sang Pilipinas nga si Angelica Lopez ang kultura sang mga Pilipino matapos nga nagpakita bilang isa ka “mangkukulam” sa National Costume Competition sang Miss Grand International 2026 sa Bangkok, Thailand.
Suksok ni Lopez ang 19-kilogram nga ubra sang designer nga si Patrick Isorena, nga nagapakita sang daku nga pigura sang isa ka “mangkukulam” nga may lawas nga daw ragdoll nga nakatapik sa iya likod.
Ang iya pasundayag labi pa nga ginpauswag paagi sa mga dagom sa costume nga may isa ka daku nga heart nga may pula nga mga bato kag beads nga daw kaangay sang dugo.
Suno kay Lopez, ang costume ang isa ka pagpasidungog sa mga folk tales, tradisyon kag kultura nga amo ang nagporma sang imahinasyon kag identity sang mga Pilipino.
Pagahiwaton ang grand final sang Miss Grand International 2026 sa Oktubre 10.
