Sa direct examination sang prosekusyon kay Bureau of Internal Revenue Chief of Staff Anne Loraine Garcia-Marquez, ginpahayag sang testigo nga wala sang Electronic Certificate Authorizing Registration (eCAR) ukon transfer of sale document nga gin-isyu para sa Cale88 Foods Corp.
Bangud sini, ginpamangkot ni private prosecutor Atty. Erwin Matib ang testigo kon nagakahulugan ini nga si Mans Carpio pa gihapon ang tag-iya sang shares sang Cale88.
Dugang pa ni Matib, wala kuno sang record sang pagbaligya sang shares of stock ni Carpio sa Cale88, kag gin-angkon niya nga “peke” ang ginpahayag nga pagbaligya sang shares sa Pikimong Pikimong Inc.
Apang nag-object ang defense counsel nga si Atty. Kristine Ferrer sa amo nga pahayag ni Matib.
Ginsugtan naman ni presiding officer Chiz Escudero ang motion sang depensa nga i-strike off sa records ang amo nga pahayag.
