Nagapanawagan ang General Alliance of Workers Association ukon GAWA ang dugang nga oportunidad sa trabaho para sa mga wala sang trabaho nga mga Pinoy, partikular na ang mga fresh graduates nga nagapangita sang trabaho.
Sa interview sang Bombo Radyo kay Wennie Sancho, Secretary General sang GAWA, iya ginpahayag nga kun magtaas ang employment rate , ginalauman nga maganubo ang numero sang mga Pinoy nga wala sang trabaho.
Suno kay Sancho, importante para sa Department of Labor and Employment ukon DOLE kag Technical Education and Skills Development Authority ukon TESDA nga magbinuligay agud mas mapasangkad pa ang oportunidad sa trabaho para sa mga Pilipino.
Dugang pa sang natungdan, importante nga hatagan sang bastante nga kahigayunan ang tagsa-tagsa nga makasulod sa labor force kag makakita sang palangabuhian sa baylo nga magpabilin nga wala sang trabaho.
