Ginkwestyon ni lead Defense counsel Atty. Sheila Sison kun paano nakuha sang prosecution witness kag financial forensic analyst nga si Atty. Alexander Cabrera ang confidential nga mga financial record ni Vice President Sara Duterte kag sang iya bana nga si Manases Carpio antes ang iya testimonya sa Senate Impeachment Court subong nga Biyernes, Oktubre 9.
Gintumod ni Sison ang forensic report ni Cabrera nga nagasiling nga gin-usisa sini ang mga dokumento nga nahatag suno sa mga subpoena nga ginpagwa sang korte.
Apang nagsabat si Sison nga suno mismo sa korte, wala ini nagpagwa sang subpoena para kay Cabrera.
Bangud sini, gin-raise sang defense kun ano ang legal nga awtoridad ni Cabrera sa pag-access sang nasambit nga mga rekord, lakip na ang Statements of Assets, Liabilities and Net Worth ukon SALNs ni Duterte, income tax returns, bank statements kag mga rekord sang investment.
