Nagsabat si House prosecutor Rep. Chel Diokno nga indi dapat mangin confidential ang kamatuoran kasunod sang kwestyon sang defense antes ang presentasyon sang testigo nga si Atty. Alexander Cabrera.
Isa ka financial forensic analyst si Cabrera nga amo ang ikaduha nga witness sang prosekusyon sa ika-37 nga adlaw sang impeachment trial ni Vice President Sara Duterte subong nga Biyernes.
Ginpamangkot sang defense panel ang awtoridad ni Cabrera nga maka-access sa confidential nga mga financial record ni Duterte antes ang iya testimonya.
Suno kay Diokno, nagkuha sang husto nga awtorisasyon ang prosecution para kay Cabrera kag gintugutan ini nga usisaon ang mga dokumento nga may kaangtanan sa kaso.
Dugang pa ni Diokno, ginpahanugutan na sang impeachment court ang presentasyon sang mga rekord halin sa Bureau of Internal Revenue (BIR), Anti-Money Laundering Council (AMLC), mga bangko kag mga kompanya sang insurance bilang kabahin sang mga ebidensya sa kaso.
