178 ka sako sang bugas, gin-dispose sa Bantayan, Cebu

Gindispose sang local government unit sang Bantayan, Cebu ang 178 ka sako sang 50-kilograms nga bugas ukon kapin 8,900 kilos nga gindeklarar nga indi bagay nga kaunon sang tawo, kasunod sang koordinasyon sa National Food Authority (NFA) kag Commission on Audit (COA).

Ang bugas ang nakit-an nga may agup-op sang gin-usisa sang NFA matapos nagpungko si Mayor Alex Layese.

Gindeklarar sang ahensya nga indi na luwas kaunon ang mga stocks rason nga mag-coordinate ang lokal nga panguluhan sa COA para sa nagakaigo nga pag-dispose.

Ang disposal ang gin-updan sang mga tiglawas sang COA kag department heads nga nagaserbe sa municipal Disposal Committee.