Padayon nga nagataas ang kaso sang HIV sa probinsya sang Capiz kag sa siyudad sang Roxas, bangud kada semana may ara sang naga-reactive kag nagapositibo sa HIV.
Sa interview sang Bombo Radyo kay Dr. Lori Cahilog, Roxas City Health Officer, iya ginpahayag nga ang pagtaas sang HIV cases sa siyudad sang Roxas kag probinsya sang Capiz nagakahulugan nga madamo na sang libre nga test para ma-detect kag ma-monitor ang kaso sang HIV.
Pahayag pa niya, ang Roxas City Health Office may ara sang libre nga test para ma-detect ang status sang isa ka tawo kun may ara siya sang HIV ukon wala, kag nagahatag man sila sang antiretroviral sa mga nagapositibo.
Suno pa sa iya, may mga libre nga condom nga ginahatag man agud nga mahatagan sang protection kag mangin safe batok sa HIV.
Sa karon, gapanawagan ang natungdan nga magpacheck gid sang status kag maggamit gid sang protection agud nga malikawan ang HIV kag magpractice sang safe sex agud nga malikawan ang nasambit nga balati-an.
ReplyForward
Add reaction
