Natapos sa mainit nga pagbaisay sang depensa kag prosekusyon ang testimonya sang financial forensic analyst nga si Atty. Alex Cabrera sa ika-38 nga adlaw sang impeachment trial kay Vice President Sara Duterte.
Sa paghinun-anon sang Article II sang impeachment complaint may kaangtanan sa alegasyon sang wala mapaathag nga manggad, gintawag ni defense lead counsel Atty. Sheila Sison nga sala ukon “erroneous” ang mga konklusyon nga ginpresentar ni Cabrera.
Suno kay Sison, ginhatagan sang bastante nga kahigayunan si Cabrera nga ipresentar ang iya mga konklusyon, apang ginpanindugan sang depensa nga may yara sang mga sala pag-abot sa kasuguan kag kamatuoran.
Bangud sini, ginpahayag ni House prosecutor Atty. Chel Diokno sa impeachment court nga kuhaon ang tinaga nga “erroneous” sa record, bangud ginasiling nga isa ini ka konklusyon sa matter of law kag dapat ang korte ang magdesisyon kun batunon ang mga opinyon sang witness.
Apang nagpamalabag si Sison sa mosyon ni Diokno nga nagresulta sa pagbaisay sa tunga sang duha ka bahin samtang nagapadayon ang imbestigasyon sa mga alegasyon batuk sa bise presidente.
