Nagapati ang Makabayan bloc nga bastante na ang mga ebidensya nga ginpresentar sa impeachment proceedings agud ma-convict si Vice President Sara Duterte.
Sa interview sang Bombo Radyo kay France Castro, former ACT Teachers Party-list Representative, iya ginpahayag nga nagapakita ang mga ebidensya nga ginpresentar sang prosecution sang mabaskog nga suporta sa mga alegasyon batok sa bise presidente.
Suno kay Castro, importante man nga hatagan sang pagtamod sang mga senador ang tanan nga ebidensya kag mga testimonya nga ginpresentar sa Senate Impeachment Court antes maghimo sang desisyon sa kaso ni Duterte kag indi lamang base sa political group nga ginakalakipan.
Sa pihak sini, ang pinal nga desisyon sa impeachment case ang magadepende sa ebidensya kag sa resulta sang pag-vote sang Senate Impeachment Court.
