Gindesisyunan sang House Prosecution panel nga indi na pagpadayunon ang Articles I, III kag IV sang impeachment complaint batuk kay Vice President Sara Duterte, nga nagatumod sa mga alegasyon sang confidential funds kag grave threats.
Sa baylo, magapokus na lamang ang prosekusyon sa Article II, nga may kaangtanan sa ginaalegar nga unexplained wealth sang Bise Presidente.
Bangod sini, ang Article II na lamang ang iga-presentar sang prosekusyon nga mga ebidensya sa impeachment court.
Samtang ginpasalig sang defense counsel nga si Atty. Sheila Sison nga ang desisyon nga sang prosecution ang indi makaapekto sa plano nga estratehiya sang kampo sang Bise Presidente.
Suno kay Sison, magapadayon sila sa pagpresentar sang mga ebidensya agud pamatukan ang nabilin nga akusasyon batuk sa Bise Presidente.
