Arestado ang isa ka 37-anyos nga beautician nga nalakip sa Provincial Priority Target List sang mga otoridad sa ginpatigayon nga drug buy-bust operation sang Roxas City Police Station (RCPS) Station Drug Enforcement Team (SDET) sa Barangay Punta Tabuc, Roxas City.
Ang subject person amo si alyas “Bencel”, kag residente sang Sitio Arcabalo, Barangay Bolo, Roxas City.
Sa interview sang Bombo Radyo kay Punong Barangay Nestor Buenviaje, iya ginpahayag nga nakuha sa posesyon sang subject person ang tatlo ka sachet sang ginasuspetsahan shabu kag ang P1,500 kag pila ka non-drug items.
Suno kay Buenviaje, nagabug-at sang kapin sa 3.6 gramos ang ginasuspetsahan shabu nga may Standard Drug Price (SDP) nga nagabalor sang Php 24,480.00.
Sa subong, yara na sa kustodiya sang Roxas Component City Police Station ang subject person para sa nagakaigo nga legal nga proseso kag pagpasaka sang nagakaigo nga kaso nga pagpas sa Republic Act 9165 ukon Comprehensive Dangerous Drugs Act of 2002.
