Ginpanindugan sang National Food Authority (NFA) ang importansya sang pag-import sang bugas agud malikawan ang kakulang sa supply sang pungsod.
Ini ilabi na nga ginapangatubang sang Pilipinas ang intensified El Niño nga ginalauman nga magalawig tubtob sa first quarter sang masunod nga tuig.
Kaangot sini, bag-o lang nag-anunsyo ang grupo sang Philippine Rice Industry Stakeholders Movement (PRISM) nga nagpirma sila sang kasugtanan sa USA Rice.
Sa idalom sang nasambit nga kasugtanan, tuyo sang PRISM kag USA Rice nga tugutan ang pagsulod sang mga suplay sang bugas halin sa Estados Unidos umpisa sa tuig 2027.
Apang gin-athag ni NFA Administrator Dr. Larry Lacson nga ang nasambit nga rice importation plan ang eksklusibo nga ginaduso sang mga pribado nga grupo sa industriya kag wala sang direkta nga papel ang gobyerno diri.
Dugang pa sang ahensya, wala man sila mismo naga-import sang bugas kag wala man sang permit may kaangtanan sa sini nga kasugtanan ang nag-agi sa ila talatapan.
