Ginbasura sang International Criminal Court (ICC) ang hingyo sang kampo ni former President Rodrigo Duterte nga limitahan ang ebidensya nga mahimo ipresentar sang prosecution sa 10,000 items sa kaso nga crimes against humanity of murder batok sa iya.
Sa interview sang Bombo Radyo Roxas kay Atty. Gilbert Andres, accredited lawyer sang International Criminal Court, iya ginpahayag nga paga-istoryahan ang mga legal issues may kaangtanan sa nasambit nga desisyon kag posible nga epekto sini sa pagpadayon sang trial.
Ang nasambit nga desisyon ang gin-issue sang ICC Trial Chamber III kadungan sang ika-apat nga status conference sang kaso, nga personal man nga gintambungan sang anay presidente.
Ginpanginwala man sang depensa ang pangabay sang prosekusyon nga isumiter liwat ang ebidensya sa bag-o na-file sang kaso sa Judicial Workflow Platform, ang digital nga sistema nga ginagamit sang korte sa pagdumala sang mga rekord kag ebidensya.
Dugang pa sang natungdan, mapag-on ang ginapangatubang nga kaso ni Duterte nga tatlo ka kaso sang crimes against huanity nga may kaangtanan sa ginaalegar extrajudicial killings sa Pilipinas sa nasambit nga panahon.
