Kris Lawrence kag Katrina Halili, nagsaulog sang ila una nga monthsary matapos nga nagbalikay

Nagsaulog sang ila una nga monthsary sanday Kris Lawrence kag ang actress nga si Katrina Halili bilang official lovers matapos nga nagbalikay.

Gin-share ni Kris sa social media ang litrato nila ni Katrina upod ang ila bata nga si Katie samtang ginadul-ong ini sa airport.

Matandaan nga Lima ka tuig na nga magkarelasyon ang duha antes nga nagbulagay sang 2014.

Matapos ang pila ka tuig ginpangaluyagan liwat ni Kris si Katrina sang Hunyo kag sang nagligad nga bulan malipayon nga ginpakigbahin sang duha ang ila pagbalikay kaupod ang ila sini nga anak.