32 ka mga estudyante, patay matapos narumpag ang atop sang eskwelahan sa Pakistan

Patay ang 32 ka mga kabataan matapos nga narumpag ang atop sang ila eskwelahan sa northern Pakistan.

Suno sa report, isa sa mga rason sang pagkarumpag sang atop aamo ang wala untat nga pag-ulan.

Naga-edad sang anum tubtub 14 anyos ang mga biktima samtang ginalakipan naman sang 25-anyos nga babaye ang mga napatay.

May mga estudyante nga na-trap sa sulod sang narumpag nga building nga gilayon man nga ginbutong sang mga tawo.

Naglab-ot sa 50 ka mga kabataan ang napilasan sa nasambit nga insidente.

Gin-aresto naman ang tag-iya sang skwelahan samtang padayon ang imbestigasyon sang mga otoridad.