40 ka kutsilyo, nakuha sa tiyan sang isa ka lalaki

Ginpaidalom sa operasyon ang 42 anyos nga lalaki sa India matapos natukiban sang mga doktor ang 40 ka kutsilyo sa sulod sang iya tiyan.

Nagpakonsulta ang lalaki bangud sa grabe nga pagsakit sang tiyan kag kaluya.

Sa tion sang endoscopy kag CT scan, nakita sang mga doktor ang mga kutsilyo nga kinahanglan kuhaon paagi sa operasyon.

Ang operasyon naglawig sang mga lima ka oras agud makuha ang tanan nga mga kutsilyo, ang iban sini ang nabali kag naguba na.

Suno sa lalaki, nagatulon siya sang mga kutsilyo matapos niya ini gintilawan kag wala sang may na-eksperyensyahan nga malain nga epekto, gani plano sang mga doktor nga ipaidalom siya sa psychological evaluation kag pagbulong.