Target ni Pinay tennis star Alex Eala nga makabawi sa masunod nga WTA 500 Ningbo Open sa China matapos ang indi maayo nga kampanya sa singles kag doubles events sang Wuhan Open.
Matandaan nga napaslawan si Eala nga makaabante sa singles matapos nga ginlutos sang Chinese netter nga si Shi Han sa score nga 4-6, 6-3, 6-3.
Napaslawan man ang Pinay tennis star sa doubles event.
Bangud sini, magabubo si Eala sang iya mga preparasyon sa Ningbo Open nga natalana nga hiwaton sa Oktubre 19 tubtob 25 sa Ningbo, China.
Lakip sa mga natalana nga mag-intra amo ang defending champion nga si Elena Rybakina sang Kazakhstan, world No. 4 nga si Jessica Pegula sang USA, world No. 6 nga si Elina Svitolina sang Ukraine, kag world No. 9 nga si Iga Swiatek sang Poland.
