Patay ang tatlo ka mga estudyante kag isa ka manunudlo matapos ang pagpangluthang sa Silver Rail Elementary School sa Bend, Oregon, USA.
Ginkilala sang mga otoridad ang suspek nga si Griffin J. John II, isa ka anay estudyante sang amo nga eskwelahan.
Napatay man ang suspek matapos ginluthang sang amay sang duha ka estudyante sa eskwelahan nga nag-atubang sa teenager sa sulod sang building.
Lakip sa mga napatay amo ang tatlo ka lamharon nga mga estudyante, naga-edad sang lima, walo, kag 11, subong man ang 25-anyos nga manunudlo nga si Megan Lambert.
Samtang, gindala naman ang isa ka estudyante kag 54 anyos nga manunudlo sa ospital matapos makaangkon sang pilas tuga sang pagkaluthang.
Base report, nagsulod ang suspek sa eskwelahan matapos magpalupok sa naka-lock nga pwertahan.
Suno sa isa ka opisyal sang law enforcement, ang suspek naggamit sang pump-action shotgun nga ginbakal sang iya iloy.
Samtang padayon naman ang imbestigasyon sang mga otoridad sa insidente, lakip na ang motibo sa pagpangluthang kag kun paano nakuha sang suspek ang armas luthang kag mga bala.
