Gin-aresto ang 23-anyos nga si Amy Jones matapos nagpakuno-kuno nga isa ka substitute teacher sa Rufus King International High School sa Milwaukee, USA.
Base sa report, nagsulod sa eskwelahan ang suspek kag nagpakuno-kuno nga empleyado sang isa ka substitute teacher company bisan pa nga wala ini sang dokumento ukon pamatuod nga otorisado ini nga magtudlo.
Suno sa mga estudyante, ginapahayag nga nagatukar ini sang rap music, nagagamit sang indi nagakaigo nga mga tinaga, kag nagahimo sang indi nagakaigo nga mga hilikuton samtang ginaseparar man ang klase base sa lahi kag gender kag ginainsulto ang mga estudyante bangud sa ila hitsura kag status sa kabuhi.
Matapos ang duha ka klase, ginreport sang mga estudyante ang insidente kag ginpagwa sa eskwelahan ang suspek sa bulig sang mga pulis, samtang gin-ako naman ni Jones nga ginhimo niya ini bangud nga boring ini kag handum nga magtuga sang gamo sa atubang sang mga kabataan.
Sa subong nagapangatubang ini sang kaso nga felony, lakip ang pagpakunokuno nga isa ka empleyado sang gobyerno.
