Ginbawian sang kabuhi ang duha ka mga mangunguma sa Alabel, Sarangani, matapos malumos sa ginpatigayon nga isa ka ritwal nga ila ginatawag ‘sulif’ ukon trial by ordeal bangud sa indi paghangpanay sa ginaagawan nga duta.
Santo sa inisyal nga imbestigasyon sang mga kapulisan, nagkasugtanay ang duha nga magpaidalom sa ritwal kon sa diin sila ang magpalawigay sang ginhawa sa idalom sang tubig.
Suno sa mga otoridad, ginabanta 20 minutes ang kalawigon sang duha sa idalom sang tubig.
Ginhingagaw pa dala sa ospital ang mga ini apang gindeklara inbi nga dead on arrival.
Padayon ang imbestigasyon sang Alabel Municipal Police Station sa insidente.
Samtang, nagapanawagan naman ang pila ka mga tiglawas sang tumandok nga komunidad sang maid-id nga imbestigasyon sa nasambit nga insidente.
