Siyam ka adlaw antes ang eleksyon nga pagahiwaton sa Israel, opisyal nga gin-endorso ni US President Donald Trump si Prime Minister Benjamin Netanyahu paagi sa iya pahayag sa Truth Social.
Ginlaragway sang Presidente sang Estados Unidos si Netanyahu bilang isa ka mabakod nga lider kag importante nga kaupod sa pagpakig-away batuk sa pamahog sang Iran.
Nagpaandam man si Trump nga kun indi ma-reappoint si Netanyahu, mapilitan ang Amerika nga atubangon kag awayon ang militar sang Iran nga nagaisahanon nga wala sang suporta sang Israel.
Sa pihak sang mga report nga may mga advisers sang presidente nga wala nag-ugyon sa public endorsement, nagpabutyag sang sinsero nga pagpasalamat si Netanyahu sa suporta nga ginpakita sang lider sang Estados Unidos.
Samtang, ginhatagan pagtamod sang oposisyon sa Israel nga ang mga pumuluyo lamang sang ila pungsod ang may pinal nga kinamatarong sa pagdesisyon sa resulta sang eleksyon.
