Naghatag sang libre nga serbisyo ang Philippine Coconut Authority (PCA) para sa mga mangunguma sa banwa sang Ivisan, Capiz.
Sa interview sang Bombo Radyo kay Punong Barangay Jane Marie Obuyes Bantai, iya ginpahayag ang iya pagpasalamat sa nasambit nga ahensya sa paghatag sang nagkalain-lain nga libre nga serbisyong medical sa iya mga pumuluyo
Suno kay Bantai, may yara sang 30 ka mangunguma sa Barangay Cabugao nga nakabenepisyo sang libre nga eyeglasses, samtang 232 ka pumuluyo halin sa anum ka barangay sa banwa sang Ivisan ang nakabaton sang amo nga serbisyo
Pahayag pa sini, daku ang bulig sang programa sa mga mangunguma bangud wala na sila nagakadtu pa sa banwa para magpa-check-up.
Lakip sa mga serbisyong ginpaabot ang libre nga dental check-up, optical services, laboratory tests, konsultasyon sa doktor, X-ray kag ultrasound.
Nagalaum man ang natungdan nga madugangan pa ang mga bulig sa mga mangunguma ilabi na sa ikaayong lawas.
