DAO, CAPIZ – Hugot nga ginapatuman ang Police Checkpoint Operations para sa pagpabakod sang siguridad sa komunidad para sa ginalauman nga mapakita ang pagpanikasog sang kapulisang sa pagpatuman sang kalinong kag katawhay sa Dao, Capiz.
Sa interview sang Bombo Radyo kay Police Major Rey C Dordas, Officer-in-Charge sang Dao Municipal Police Station, iya ginpahayag nga daku ini nga bulig man para sa pagtapna sang krimen kag dugang nga pagmonitor sang sitwasyon sa lugar.
Suno kay Dordas yara sa nagakaigo nga polisya sang PNP ang ginapatuman nga checkpoint kun sa diin ang visual inspection, kun sa diin ginakilala sa gihapon ang kinamatarong digninldad sang tagsa ka motorista kag pagpaintiendi sang katuyuan sang checkpoint.
Pahayag pa niya ang pagsunod sang standard procedure kag pagkamatinahuron sa tanan nasiguro niya nga ginasunod sang tagsa ka personnel nga naka deploy sa lugar nga nagakinahanglan sang assistance sang katapo sang kapulisan.
Sa karon ginalauman nga pinaagi sa pagbinuligay sang Dao PNP kag komunidad mapaligon ang kalinong, katawhay kag sigurad sa Dao, Capiz.
