Natalana nga pagatukuron ang 100-bed capacity Level II nga Capiz General Hospital sa banwa sang Pontevedra pinaagi sa inisyatibo sang Capiz Provincial Government kag Department of Health (DOH).
Sa interview sang Bombo Radyo kay Regional Director Dr. Marr Wynn Bello sang DOH Western Visayas, iya ginpahayag nga nagpain sang ₱100 million nga pondo para sa pagpatukod sang ospital sa 1.2-hectare nga duta sa banwa sang Pontevedra, Capiz.
Suno kay Bello, sa una nga bahin sang pagkaayo sang ospital, pagatukuron ang Outpatient Department, Emergency Room, laboratory kag ward agud makaserbisyo gilayon sa publiko kon matapos na ang ini nga mga pasilidad.
Ginalauman nga paagi sa amo nga proyekto, mas mangin mahapos para sa mga Capiznon ang serbisyo sa ikaayong lawas ilabi na sa mga nagakinahanglan sang emerhensya nga pagbulong.
