Wala na sang kabuhi ang isa ka menor de edad nga ginakabig nga isa man ka Person with Disability “PWD” sang nasapwan sa Barangay Dulangan Pilar, Capiz.
Ang biktima amo si alyas Eboy, pito katuig kag residente sang nasambit nga lugar.
Sa interview sang Bombo Radyo kay Police Major Achilles Fangco Jr., Officer in-charge sang Pilar Municipal Police Station, iya ginpahayag nga nakabaton ang ila estasyon sang impormasyon nahanungod sa pagkakita sang isa ka bata sa sapa.
Suno kay Fangco, gilayon nga nagresponde ang kapulisan sa lugar kag base sa inisyal nga imbestigasyon, nasapwan ang biktima nga nagahapa sa higad sang sapa, nga ginapatihan nalumos.
Gintingwaan pa nga gindala sa ospital ang bata apang gindeklarar nga dead on arrival sang attending physician
Matandaan nga ang amo nga bata gindeklarar nga missing sang kaaganhon sang October 19.
