Hugot nga ginadumilian sang local government unit sang Dumarao, Capiz ang pagdala sang makahulubog nga ilimnon kag mga deadly weapon sa mga patyo sa tion sang pista minatay.
Sa interview sang Bombo Radyo kay Dumarao, Capiz Mayor Atty. Mateo Hachuela, iya ginpaghayag nga ginapahanumdom sini ang publiko nga likawan ang pagdala sang mga matalom nga butang kag ang pagpatukar sang karaoke nga mahimo makadisturbo sa iban nga nagabisita sa mga patyo.
Suno kay Hachuela, magapahamtang sang mga kapulisan sa mga patyo agud masiguro ang seguridad kag kalinong sa lugar.
Dugang pa sang alkalde, pagatutukan man sang banawa ang pagdumala sang trapiko, ilabi na sa atubang sang mga patyo, agud malikawan ang pagpugok sang mga salakyan kag masiguro ang hapsay nga pag-agi sang mga motorista.
