Barangay officials sang Barangay Baybay, Roxas City, ginalantaw nga makabulig ang dugang nga dump truck sa pagkolekta sang mga basura kag pagmentinar sang katinlo sang lugar

Ginalantaw sang mga barangay officials sang Barangay Baybay, Roxas City nga makabulig ang dugang nga dump truck sa pagkolekta sang mga basura sa ila lugar.

Sa interview sang Bombo Radyo kay Punong Barangay Erwin Oroceo, iya ginpahayag nga dako ang mabulig sang dugang nga dump truck agud mamentinar ang kalimpyo sang barangay.

Suno kay Oroceo, importante ang husto nga pagdumala sang basura agud malikawan ang pagdamo sang mga nagatumpok nga basura nga mahimo mangin kabangdanan sang pagbaha.

Ginpasigurado man sini nga magapadayon ang pagpauswag sang ila mga serbisyo para sa kalimpyo kag kaayuhan sang komunidad.