Mga kapulisan sa Roxas City, igadeploy sa mga patyosa tion sang Undas

Magadeploy sang mga kapulisan sa tagsa ka mga patyo sa Roxas City agud masiguro ang seguridad kag kalinong sang publiko sa tion sang pagsaulog sang Undas.

Sa interview sang Bombo Radyo kay Police Lieutenant Colonel Rogelio L. Tomagtang Jr., Chief of Police sang Roxas City Police Station, iya ginpahayag nga lima ka pribado kag tatlo ka pampubliko nga sementeryo ang ila pagamonitor.

Suno kay Tomagtang, magapahamtang sang mga police personnel sa tagsa ka sementeryo, lakip ang pagpatigayon sang mobile patrol agud mapabaskog ang pagbantay kag madasig nga pagresponde sa mga insidente.

Nagpanawagan man ini sa publiko nga magkoopera sa kapulisan kag magsunod sa mga patakaran agud masiguro nga malinong sa pagsaulog sang Undas.