CAPIZ-Ginbisitahan kag ginkumusta ni Governor Fredenil H. Castro ang mga nurse kag empleyado sang Capiz Medical Center (CMC) sang Sabado, Oktubre 24, 2026, agud kamustahon ang ila kahimtangan kag mapakita ang suporta sa mga mamumugon sa sektor sang ikaayong lawas.
Bisan pa nga adlaw sang Sabado kag tion sang pagpahuway sang iban nga mamumugon, ginpadayon sang gobernador ang iya pagbisita sa ospital, nga nagapakita sang iya paghatag sang atensyon sa mga nagaserbisyo sa panglawas kag sa mga kinahanglanon sang pasilidad.
Makita man sa aktibidad ang pagpanikasog sang mga nurse kag empleyado sang CMC sa pagpanguna ni Hospital Chief Dr. Florencio Luching Jr. sa pagpadayon sang ila mga katungdanan kag paghatag sang serbisyo sa mga pasyente.
Suno sa mensahe sang gobernador, ang serbisyo publiko nagakinahanglan sang padayon nga dedikasyon kag responsibilidad, ilabi na sa sektor sang ikaayong lawas nga nagaserbisyo sa mga pumuluyo bisan ano pa ang adlaw ukon oras.
Ang pagbisita kabahin sang paghatag sang pagtagad sa mga mamumugon sa ospital nga may importante nga papel sa pagseguro nga ang mga Capisnon makabaton sang nagakaigo nga pag-atipan kag serbisyo medikal.
