Ginakilala ang Culasi Port bilang isa sa mga importante nga sentro sang komersyo kag maritime gateway sa Northern Panay kag Western Visayas, nga nagaserbi sa transportasyon sang mga kargamento kag pasahero, fishery logistics, kag pagbiyahe sa tunga sang mga isla.
Bangud sini, ginpangabay sa Department of Transportation (DOTr) ang paghatag sang pondo para sa ginapanukala nga pagpaayo kag pagmodernisar sang pantalan agud mapauswag ang mga pasilidad kag serbisyo sini.
Ginpahayag nga gin-endorso na sang DOTr sa Philippine Ports Authority (PPA) ang proposal para sa nagakaigo nga pag-usisa kag konsiderasyon.
Ginapaabot nga ang nasambit nga proyekto makabulig sa pagpaayo sang pantalan, pagpalig-on sang lokal nga ekonomiya, kag paghatag sang dugang nga oportunidad sa mga pumuluyo.
Padayon ang panikasog nga mapauswag ang imprastraktura kag serbisyo sa Culasi Port agud mas masuportahan ang pag-uswag sang komersyo kag ang kalidad sang pangabuhi sang komunidad.
