Ginkalipay sang mga manugbaligya sa Lipunan Market ang bag-o nga sistema sang parking kag pagpanami sang ila mga pwesto bangod mas nangin komportable, malimpyo kag mas luwas na ang lugar para sa mga mamakal kag negosyante.
Sa interview sang Bombo Radyo kay Annabelle Diaz, isa ka manugbaligya sang mga dried fish sa Lipunan Market, iya ginpahayag nga mas manami na ang sitwasyon sa merkado bangod may yara na sang parking area kag mas malapad kag komportable nga pwesto para sa mga mamakal.
Suno kay Diaz, wala man nagdako ukon nagnubo ang ila baligya sa idalom sang bag-o nga sistema, apang wala man ini nakaapekto sing negatibo sa ila pangabuhian bangod may mga customer nga mas nalipay na magbakal tungod sa mas maayo nga kahimtangan sang merkado.
Pahayag pa niya, madamo sa ila mga suki ang natingala kag nalipay sang nakita nila ang pagbag-o sang ila mga stall, nga indi na pareho sang una nga mahigko, manubo kag mainit.
Nagpasalamat man ang natungdan City Government bangud ginpreparar kag ginhatagan sila sang bastante nga tion antes ginbaklas ang ila mga daan nga pwesto agud makapahanda sila sa pagbalhin.
