Wala pa sang nakita ang Bangko Sentral ng Pilipinas (BSP) sang posibilidad nga ipatuman ang interest rate cuts sa tunga sang ginalauman nga mataas nga inflation sa masunod nga duha ka tuig.
Suno kay BSP Governor Eli Remolona Jr., magapabilin nga hugot ang monetary policy basta indi makakita sang tayuyon nga pagnubo sang inflation padulong sa target sang bangko sentral.
Paathag ni Remolona, panguna nga ginamonitor sang Monetary Board ang core inflation agud madeterminar kun kinahanglan nga pataason ang interest rates.
Matandaan nga ginpatuman sang BSP ang 0.5 percentage point nga pagsaka sa key interest rate sang Oktubre, gani nagsaka ini sa 5.5%.
Samtang, mahimo nga maglab-ot sa 8.2% ang inflation sa bulan sang Nobyembre ukon Disyembre bangud sa pagsaka sang pamasahe, presyo sang LPG kag balayran sa kuryente suno sa isa ka pribado nga ekonomista.
Ginalauman nga ipaguwa sang Philippine Statistics Authority ang opisyal nga inflation rate para sa Oktubre sa Nobyembre 5.
