Nagapati si Association of Boxing Alliances in the Philippines (ABAP) president Ricky Vargas nga indi magnubo sa duha ka gold medal ang mapauli sang Pilipinas gikan sa Paris Olympics.
Dugang pa sini preparado ang mga boksingero sang pungsod para sa nasambit nga torneo.
Pila sa mga ginalauman sini nga makapauli sang bulawan nga medalya amo sanday lightheavyweight (80kg) Eumir Marcial, featherweight (57kg) Carlo Paalam, lightflyweight (50kg) Aira Villegas, featherweight (57kg) Nesthy Petecio kag middleweight (75kg) Hergie Bacyadan.
Nakasulod sa Olympics ang 28-anyos nga si Marcial matapos nga makalampuwas sa final sang Asian Games sa Hangzhou sadtong nakaligad nga tuig samtang ang 28-anyos nga si Villegas kag 32-anyos nga si Petecio ang nakapasar sa una nga World Qualifying Tournament sa Italy sadtong Marso.
Ang 25-anyos naman nga si Paalam kag 29-anyos nga si Bacyadan ang nakasulod sa Olympics sang nagmadinalag-on sa ikaduwa nga World Qualifying Tournament sa Bangkok, sadtong Hunyo.
Dugang pa ni Vargas nga ginlutos ni Paalam ang lima nga boksingero sa sulod sang pito ka adlaw kag kada isa do-or-die nga event.
Suno pa diri nga kun nakakuha ini sang silver medal sa Tokyo Olympics posible nga makakuha ini sang bulawan nga medalya sa Paris Olympics.
Magasugod ang boxing event sa Paris halin Hulyo 27 kag magatakop tubtob Agosto 11.
