IVISAN, CAPIZ – Ginapasiguro sang NKS Marketing nga mabuligan ang mga biktima sang natabo nga disgrasya sa banwa sang Ivisan.
Sa interview sang Bombo Radyo kay Atty. Alfredo Arungayan, legal counsel sang NKS Marketing nga nangin maayo ang ila paghinala sang mga biktima kag tag-iya sang mga salakyan.
May ara sang nagadeterminar kun pila ang damage sang mga salakyan nga nagikan sa insurance company kag nabayaran naman ang iban sa ila nga may manubo nga kantidad.
Samtang aminado naman si Arungayan nga wala pa ini makaistorya personal sa pamilya Sargento nga naglakat matapos mabatian ang ila nga gintanyag nga kantidad.
Apang ginklaro sini nga mahimo paman nila ini madugangan kay ipaabot sa management ang ila pag-apela.
Sa bahin naman sang pamilya Navarra ginahulat nalang kun maaprubahan sang kompaniya ang ila gina-demand nga kantidad.
Dugang pa ni Aringuyan nga wala sila sang mahimo kun magdesisyon ang mga biktima nga magpasaka sang kaso kay naintindihan sini ang ila ginabatyag pero himuon sa gihapon nila ang tanan nga maglab-ot sa settlement ang tanan.
