ROXAS CITY – “Tawo lang siya, kag tani indi man pag-ijudge dayun bangud sa iya ginhimo”.
Ini ang ginsiling ni alyas “Samuel” isa sa mga abyan ni alyas “Siping”, lalaki nga ginapahayag nagkuha sang pinamaklan sang isa ka customer sa Arzobispo St., Roxas City, Capiz.
Mahibaluan nga ginkilala ang biktima kay alyas “Toto”, 42-anyos kag residente sang Brgy. Tanza Norte, Panay, Capiz samtang, ang ginatudlo naman nga suspek ang ginkilala kay alyas “Siping”, 27-anyos kag residente sang syudad sang Roxas.
Suno diri nga isa ka mayo nga tawo kag abyan si alyas “Siping” kag kuntani suno diri hatagan pa siya sang tion nga magbag-o.
Matandaan nga dakop sa akto ang suspek nga ginapahayag ginsakwat sini ang pinamaklan sang biktima kag iya na kuntani nga ikarga sa traysikol.
