Nagakalipay ang mga biktima sang war on drugs sa desisyon sang International Criminal Court (ICC) nga “fit to stand trial” si anay Presidente Rodrigo Duterte sa mga kaso nga crimes against humanity.
Sa interview sang Bombo Radyo kay Atty. Gilbert Andres, Accredited Lawyer sang ICC, iya ginpahayag nga ginbalibaran sang korte ang argumento sang depensa nga ang 80 anyos nga si Duterte ang may maluya nga lawas kag indi na makasarang nga mag-atubang sang mga legal nga proseso.
Atubangon subong ni Duterte ang mga kaso may kaangtanan sa ginapahayag partisipasyon sini sa madamo nga pagpatay bilang kabahin sang iya war on drugs, halin sang siya pa ang alkalde sang Davao City tubtob nga nangin presidente sang 2016 tubtob 2022.
Sa kasaysayan sang ICC, suno kay Atty. Andres, wala pa gid sang akusado nga gindeklara nga “unfit” sa pihak sang pila ka petisyon nga ginpasaka sang iban nga akusado.
Nahibaluan nga ang “confirmation of charges” hearing ni Duterte ang natalana sa Pebrero 23, sa diin magadesisyon ang mga hukom kun bastante ang ebidensya agud ipadayun ang hearing.
