Wala naman nakasabat si anay OVP special disbursing officer Gina Acosta matapos ginpamangkot sang prosecutor nga si Atty. Amando Ligutan kun bala nadumduman sini kon nakabaton sang confidential funds ang gobyerno sang Davao City sa tunga-tunga sang 2019 kag 2022, sa sa idalom ni former Mayor Sara Duterte.
Natabo ini matapos nga ginpresentar ni prosecution counsel nga si Atty. Amando Ligutan ang isa ka infographic nga nagadetalye sang confidential fund allocations sang syudad sa sulod sadtong apat ka tuig.
Suno sa prosekusyon, ang kabug-usan nga confidential funds nga gin-alokar sa Davao City sa sina nga panahon naglab-ot sa P1.84 billion.
Sang ginpamangkot kon nadumduman niya ang mga pundo nga ginahambalan, ginpahayag ni Acosta nga madugay na nga natabo ang mga hitabo kag indi na niya ini madumduman bangud bangud may edad na siya.
