Nagpanawagan ang Alliance of Concerned Teachers (ACT) Philippines kay Senator-Judge Robin Padilla nga maghalong kag magpanumdom anay antes magpagwa sang pahayag sa padayon nga impeachment trial batok kay Vice President Sara Duterte.
Sa interview sang Bombo Radyo kay Prof. Carl Ramota, Vice Chairperson sang ACT Philippines, iya ginpahayag nga importante nga ang mga senador nga nagaserbe bilang senator-judges ang maghalong sa ila mga pahayag agud mapabilin ang integridad sang impeachment trial.
Suno kay Ramota, ang kada pahayag sang mga miyembro sang impeachment court ang may daku nga epekto sa panan-aw sang publiko rason nga dapat magpabilin nga kalmado kag may respeto sa due process sa bug-os nga trial.
Dugang pa sang natungdan, importante ang kredibilidad sang mga senador agud mapabilin ang pagsalig sang publiko sa proseso sang institusyon sang gobyerno.
