Nagapanawagan ang ACT Teachers Party-list nga pagatalakayon ni President Ferdinand Marcos Jr., ang mga isyu sa sektor sang edukasyon sa iya nga State of the Nation Address (SONA) subong nga adlaw.
Sa interview sang Bombo Radyo kay Darlene Blando-Surriga, miyembro sang ACT Teachers Party-list, iya ginpahayag nga importante nga mapasangkad ang patriotic education agud mapalapnag sa mga estudyante ang gugma sa pungsod kag responsibilidad bilang mga Pilipino.
Suno kay Surriga, nagakadapat man nga matutukan ang kahimtangan sang mga empleyado sa pribado nga mga eskwelahan, lakip na ang pagpatuman sang probisyon nga 70 percent sang tuition fee increase ang dapat magakadto sa sweldo, benepisyo kag allowances sang mga manunudlo kag iban pa nga personnel.
Ginpabutyag man sini nga dapat mapasangkad pa sang solidarity sang mga mamumuo sa pribado nga sektor sang edukasyon.
