MANILA, Philippines – Ginkuwestyun ni ACT Teacher’s Representative Antonio Tinio, ang P4.55 billion nga Confidential and Intelligence Funds “CIF”, para sa Office of the President “OP” sa 2027 national budget.
Suno kay Tinio, ini ang pinakadaku nga alokasyon sang secret funds sa na proposed nga P7.2-trillion 2027 National Expenditure Program, 44.9 percent nga budget sang OP bilang secret funds, P2.25 billion nga confidential funds kag P2.30 billion nga intelligence funds, nga may kabugusan nga P4.55 billion.
Pahayag pa niya, naglab-ot ini sa 42 percent sang kabug-usan nga P10.773 billion nga CIF sang gobyerno.
Dugang pa ni Tinio, wala dapat sang double standard sa pag-usisa sang CIF sang nagkalain-lain nga ahensya sang gobyerno, ilabi na sa impeachment case ni Vice President Sara Duterte.
Nahibaluan nga lakip sa mga alegasyon batok kay VP Duterte ang paggamit sang P612.5 million nga confidential funds sang Office of the Vice President kag P112.5 million sang Department of Education.
Ginapawagan man ni ACT Teacher’s Representative nga i-abolish ang CIF sa national budget, samtang gina-criticize man niya ang claim sang Department of Budget and Management nga ginapatuman sini ang liquidation kag auditing rules.
Sa karon, ginapanagabay nga ang P4.55B i-redirect sa wala pondo nga departments, kaangay sang social services, education kag agriculture, nga magaserbi sa kinahanglan sang Pilipino, samtang padayon naman ang diskusyon kag pag usisa sa proposed nga national budget 2027.
