ROXAS CITY – Ginkumpirmar sang Acting Provincial Agriculturist nga si Mr. Raoul V. Perez nga nagikan sa kada-Municipal Agriculturist Office ang mga listahan sang pangalan sang mangunguma kag fisherfolks nga sarang makabaton sang tig-P10,000.00 bilang ayuda.
Sa interview sang Bombo Radyo ky Perez, ginsiling sini nga nagabase lamang sila listahan nga ginahatag sa ila sang kada banwa kag ini ang ila ginavalidate rason nga indi kinahanglan maghugas kamot ang mga taga- Municipal Agriculturist Office kung may mga mangunguma kag fisherfolks ang wala madala sa listahan.
Ini matapos, madamo nga mga mangunguma sa banwa sang Pontevedra ang nagreklamo bangud sa baylo nga P10,000.00 kun tani ang ila mabaton yara na lamang sa P7,000.00 ang naka-abot sa ila bangud ginapahayag nga ginbuhinan ini kag ginbahin-bahin sa mga wala nadala sa listahan.
Mahibaluan nga may yara sang P50-M nga pondo nga ginpain agud itan-ay sa 5K nga mga mangunguma kag fisherfolks nga naapektuhan sang El Nino sa probinsya.
Ginklaro man ni Perez nga hugot nga ginadumilian ang pagtunga ukon pagbuhin sang mga ayuda nga ginahatag sang gobyerno bangud ini ang santo sa layi.
