Nag-file na sang Certificate of Candidacy ang aktor nga si Arjo Atayde para sa liwat sini nga pagkandidato bilang Quezon City 1st District Representative.
Gin-updan si Arjo sang iya nga iloy nga si Sylvia Sanchez-Atayde kag sang iya nga mga tagasuporta sa pag-file sang COC sa Comelec National Capital Region Office.
Kalakip man sa mga magapakita sang suporta kay Atayde amo si QC Mayor Joy Belmonte.
Suno kay Atayde, luyag niya nga mapadayon ang mga naumpisahan nga programa kag proyekto nga nagbenepisyo sa distrito uno sa QC.
Sa iya nga first term, napapasar ni Atayde ang mga importante nga hagna, kasubong sang Eddie Garcia Law, Internet Transactions Act, the Anti-Agricultural Economic Sabotage Act, kag ang Magna Carta of Filipino Seafarers Act.
Matandaan nga pila man ka beses nagpanawagan si Atayde para sa flood control projects sa Quezon City nga masami ginabaha kun malain ang tyempo.
