Nagalapta sa social media ang balita tuhoy sa love life sang actor nga si David Licauco matapos nga nakit-an ini sa isa ka kasal kaupod ang ginaalegar non-showbiz niya nga nobya.
Sa litrato, makita ang babaye nga naka-pink nga gown nga naga-sandig sa dughan sang aktor samtang ginakuhaan sini sang laragway ang bride kag groom..
Ginkilala sang mga netizens ang babaye nga si Alex Manalang nga ginapahayag nobya ni David subong.
Nagguwa man ang litrato gikan sa reception sa diin nakita sila nga magkaupod, nga nagtuga sang dugang nga pagduda sang publiko.
Indi ini ang una nga sighting sang duha. Sang Agosto 2025, nasiplatan man nga magkaupod ang duha sa isa ka ilimnan sa Siargao, nga nagdul-ong sa dugang nga mga espekulasyon nahanungod sa ila relasyon.
Madumduman nga sang Enero 2025, ginkumpirmar ni David nga single siya matapos nga nagbulagay sila sang iya anay mystery girlfriend.
Sa subong, wala pa sang pahayag ang actor angut sa mga nagalapta online.
