Actor Gerald Anderson, ginpanginwala ang alegasyon nga may koneksyon siya sa Volleybal Player nga si Vanie Gandler nga ginatudlo rason sang break up nila sang actress nga si Julia Barretto

Gin-ako ni Gerald Anderson nga siya ang may sala sa ila pagbulagay ni Julia Barretto, apang hugot niya nga ginpanginwala ang mga alegasyon nga may koneksyon ini sa volleyball player nga si Vanie Gandler.

Sa vlog ni Ogie Diaz, gin-athag ni Gerald nga indi niya kilala si Vanie kag wala siya sang komunikasyon sa iya.  Suno kay Ogie, may yara sang isa pa ka rason sang pagbulagay nanday Julia kag Gerald apang ginpili ni Gerald nga indi ini pag-ibuyagyag.Una sa tanan, gin-athag niya nga indi si Vanie ang rason sang ila pagbulagay.

Gin-ako man ni Gerald nga nasakitan siya sa mga ginapanghaboy nga alegasyon sang mga bashers sa iya kag nagalaum nga matapos na ang isyu.

Madumduman nga gin-anunsyo sang ila talent agencies ang ila pagbulagay sang Setyembre 18 apang wala pa sang pahayag gikan kanday Julia kag Vanie angut sa isyu.