Ginkumpirma sang actor kag time show host nga si Ryan Bang nga nagbulagay na sila sang iya ex-fiancée nga si Paola Huyong.
Sa pinakaulihi nga vlog ni Vice Ganda, gin-share ni Ryan nga single na siya subong kag nag-open up sa progress sang ila relasyon.
Suno kay Ryan, gintinguhaan niya nga ayuhon ang ila relasyon kag nagalaum siya nga mangin okay sila, apang wala ini nagwork.
Gin-ako man ni Ryan nga kon kaisa may mga kapaslawan man siya sa ila relasyon, apang hugot niya nga ginpanginwala ang mga alegasyon sang pagpangluib kag ginpanindugan nga wala niya ini nahimo.
Ginpahayag man sini, nga isa sa mga mayor nga rason sang ila pagbulagay amo ang kinalain sa kultura, pagpati, kag panan-awan nahanungod sa relasyon kag kasal.
Ginpakigbahin man ni Ryan nga pagkatapos nga nag-istoryahanay ang ila mga pamilya, narealize niya nga kinahanglan niya nga buy-an ang relasyon, nga iya ginlaragway bilang isa sa pinakamabudlay kag pinakamadulom nga mga panahon sang iya kabuhi.
