Actor Jean Claude Van Damme, nagapangatubang sang kaso matapos nakapakighilawas sa lima ka babaye nga biktima sang sex trafficking

Nagapangatubang sang kaso nga sex trafficking sa Romania ang actor nga si Jean Claude Van Damme.

Suno sa Romanian Directorate for Investigating Organized Crime and Terrorism (DIICOT) nga nakighilawas ang actor sa lima ka Romanian models bilang regalo.

Ginpasaka sang DIICOT ang kaso nga kriminal batuk sa Belgian actor.

Kalakip nga ginkasuhan ang pila ka mga nakaupod sang actor kun sa diin isa sa ila ang negosyante sa Romania nga tag-iya sang modeling agency nga Morel Bolea.

Natabo ang insidente sadtong kasagsagan sang Cannes Film Festival.

Nakilala ang 64-anyos nga actor nga anay martial artist sa mga pelikula nga “Kickboxer”, “Double Impact” kag “Street Fighter”.